வெயில் காலங்களில் நம் உடம்பை எப்படி கவனித்து கொள்வது|உடல் சூட்டை எவ்வாறு குறைப்பது

          உடல் சூடானது பெரும்பாலான மக்களுக்கு பிரச்சனையாக உள்ளது. முக்கியமாக கோடைகாலத்தில் வெயிலில் தாக்கம் அதிகம் இருப்பதால் மக்கள் பெரும் அவஸ்தைபடுகிறார்கள். இனி உடல் சூடு எதனால் வருகிறது அதை எப்படி குறைத்துக் கொள்வது என்பதைப் பார்க்கலாம்.

உடல் சூடு எதனால் வருகிறது

1. உடலில் சூடு அதிகமாவதற்கு பல காரணங்கள் உள்ளது. வெயிலின் தாக்கம் அதிகமாக இருந்தாலோ அல்லது வெயிலில் அதிக நேரம் நின்று வேலை பார்த்தாலோ உடலில் சூடு அதிகமாகிறது.
2. எண்ணெய் அதிகமாகவும், காரம் அதிகமாகவும் உள்ள உணவுகளை சாப்பிடுவதாலும் மேலும் பொறித்த உணவுகளை அதிகம் சாப்பிடுவதாலும் உடலில் சூடு உண்டாகிறது.
3. தண்ணீர் அதிகம் குடிக்காமல் இருந்தால் உடம்பில் நீர்ச்சத்து குறைந்துவிடும். அந்த சமயத்திலும் உடல் சூடு அதிகரித்துவிடும்.
4. இதைத்தவிர ஒரு சில உடல் உபாதை உள்ளவர்களுக்கும், சில வகை மருந்துகளை தினசரி எடுத்துக் கொள்பவர்களுக்கும் உடல் சூடு அதிகரிக்கலாம்.
5. மிகவும் இறுக்கமான சிந்தடிக் உடைகளை அணிவதாலும் உடல் சூடு உண்டாகலாம்.

உடல் சூட்டை எப்படி குறைப்பது

1. தண்ணீர் சத்து அதிகம் உள்ள காய்கறிகளும் பழங்களும் சாப்பிட வேண்டும். உதாரணதிற்கு தண்ணீர் பழம்,வெள்ளரிக்காய், காலிபிளவர்.
2. தினமும் தண்ணீர் அதிகம் குடிக்க வேண்டும்.
3. இளநீர் குடிப்பது சூட்டை நன்கு தணிக்கும். எனவே கோடைகாலங்களில் இளநீர் அதிகம் குடிக்க வேண்டும்.
4. கற்றாழை உடல் சூட்டை தணிக்க மற்றொரு வழி. கற்றாழையில் நடுவில் இருக்கும் வெள்ளை பகுதியை சிறிதளவு சாப்பிடுவதாலும், உடம்பில் தடவிக் கொள்வதாலும் உடல் சூடு தணிந்துவிடும்.
5. மோர், லெசி போன்ற குளிர் பானங்களை பருகுவதாலும் உடல் சூடு குறைகிறது, கட்டாயம் மோர் தயிரை அன்றாட உணவில் சேர்த்துக் கொள்ள வேண்டும்.
6. வெந்தயத்தை தண்ணீரில் ஊற வைத்தோ வறுத்து பொடி செய்தோ சாப்பிட்டாலும் உடல் சூடு குறைந்துவிடும்.
7. லூசான ,லைட் கலர் ஆடை உடுத்துவதாலும் உடல் சூடு குறைந்துவிடும்.
8. புதினா, எலுமிச்சம்பழம் சேர்த்து குளிர்பானங்கள் செய்து குடிப்பதாலும் உடல் சூடு குறைந்துவிடும்.
9. வெயில் காலங்களில் வெளியே செல்லும் போது குடை பிடித்தும், கண்ணுக்கு இதமான கண்ணாடி அணிந்தும் செல்லலாம்.

வெயில் காலங்களில் நம் உடம்பை எப்படி கவனித்து கொள்வது வீடியோ